Старшыня сенацкай Камісіі па замежных справах і Еўрасаюзе Богдан Кліх (Bogdan Klich), які знаходзіцца ў Тбілісі, крытычна ацэньвае дзеянні грузінскіх уладаў. Нагадваем, учора тамтэйшы парламент у трэцім чытанні прыняў закон аб «замежных агентах», супраць якога ўжо некалькі месяцаў у Грузіі праходзяць буйныя пратэсты.
На думку польскага сенатара, Еўрасаюз і ЗША павінны заняць цвёрдую пазіцыю па гэтай справе, бо палажэнні закона аб «замежных агентах» супярэчаць каштоўнасцям ЕС. Палітык таксама запэўнівае, што ні Польшча, ні Еўрасаюз не пакінуць грузінаў сам-насам з іхнымі праблемамі:
- Мы не пакінем іх адных, у гэтым няма ніякіх сумневаў. Мы ўвесь час былі з імі – яшчэ да 2008 года. У сваю чаргу ў 2008 годзе мы дадаткова мабілізавалі сусветную грамадскую думку да падтрымкі Грузіі.
Частка каментатараў адзначае, што дзеянні ўрада інспіраваныя Масквой і асцерагаецца, што рэакцыя Еўрасаюза і НАТА, як у 2008 годзе падчас грузіна-расійскай вайны, можа быць недастатковай.
У сваю чаргу, некаторыя еўрапейскія палітыкі прагназуюць, што інтэграцыйныя працэсы Грузіі ў Еўрасаюз могуць запавольвацца.
IAR/аз